کورنگ:

ای شهید ای آیه قرآن سلام اولسون سنه
حق یولوندا قانینه غلطان سلام اولسون سنه
ای وِرن جان، دینی اوسته بیزلره گمنام اولان
شک یوخومدور فاطمه اولادینه هم گام اولان
جان شیرینَن گچوب پیغمبره هم جام اولان
صف چکوب گوزلر یولون حوران سلام اولسون سنه
ای ورن اسلامین اوسته، بیر گوزل جاندان گچن
ای ولایت امرینه، اسلام یولوندا قان ورن
کربلا عشقینه، یا رب یا حسین لبیک دیین
دین سن ادون اوزون قربان سلام اولسون سنه
قوی قدم رنجه بویور ادسون اطاعت گوزلریم
خاک پایندن اوپوپ تاپسون شفاعت گوزلریم
توپراقا دولموش گوزون ادی خجالت گوزلریم
او گوزون ایلیر بیزی درمان سلام اولسون سنه
خوش گلوب ای جبهه لرده جان ورن سرور شهید
آنالر آغلور سنه جمله اولوب مادر شهید
گلدی تابوتون بیزه اما که یوخ پیکر شهید
ای داغولموش پیکری، هر آن سلام اولسون سنه
ای شهید ای آدی گمنام عالمین دردانه سی
ای ولایت شمعینن جاننان گچن پروانه سی
جانِ شیریندَن گِچوب، آباد اولا دین خانه سی
ای نشان بی نشان از جان سلام اولسون سنه
ای شهید ای آدو گمنام دفتریمَه ثبت اولان
یرده گمنام و ولی گویلرده شهرت قویزویان
ثبت ادلرآدوی گویلرده جمله عرشیان
دم وورالار دم به دم از جان سلام اولسون سنه

انتهای پیام/