تازه ترین مطالب
پربیننده ها
نسخه مناسب چاپ
خواندن این شعر به زبان شیرین محلی شاید مقداری سخت باشد اما آنچنان لذت بخش است که باعث ترغیب خواننده تا آخرین بیت شعر می شود. بی شک خواندن این اشعار خاطرات نسل قبل از انقلاب را در ذهن آنان زنده می کند و بی اختیار شروع به تعریف کردن از ایام قدیم می کنند.
بسم الله الرحمن الرحیم
شهریمیزین گچن زمان رسوماتی
کبودراهنگ آدون سنون وارالسون آباد اولان آلّاه سنه یار السون
گچن زمان کورنگیدی شهرتین تاریخ سنون ثبت ایلیوب عزتین
یر یوزونه آخاردو چوخ چایلارون گُزلیدی باهارلارون- یایلارون
سازون سوو دامنیوه آخاردو بند سوونا حاجی لیلک باخاردو
بنده باخان شیخ علی قلی چارداقو بالا اصغرین پوشتکی و مالاقو
چارداق اوستن مالاقون ووراردو سو ایچینده ایاق اوسته دوراردو
مزرعده وارویدو چای باغلارون گَنجه خانا قلی آباد داغلارون
علی آباد جهرآبادون چولری برزگرین پینه وُران اَلّری
راهنگ باغونون مُووزو ایده سی مَلِک قالا دیوارونون کولگه سی
بند بوغولوب دالدا سویو قالاردو اکِنلِگه یونجالوقا آشاردو
سازون چولونون بوغداسو- آرپاسو جهرآبادون آغاچلارو قارقاسو
شمیرآباد آغاچلارو هَواسو قیرقلرین- سرچه لرین لوواسو
امیرنظام قالاسونون باغچاسو آلماسویو- هیواسویو- آلچاسو
تونگولدن دَهنه سویو ایچردیک اراق چاینان ارخیدن اوت بچردیک
فاطما ننه تنّره اوت سالاردو چورک یاپا کرمه قالاخ قالاردو
قاتوخ چالوب گودوشو دولدوراردو اِرتَه دوروب حیاط کوچَن سولاردو
قویون گِچی طولَلَرده مَلردی کریم دادا اِرته پِیین اَلردی
عرشَه طرف خروس سَسی چاتاندا عِیوَض دایو ناخورا مال قاتاندا
شیرین باجو قالون گرده یاپاردو کریم دایو اُدون داما آتاردو
عباس قلی چولده اکِن اَکَنده یورقون اولان زمان چیپق چکنده
آخشام چاغو چولدن سورو گَلَردی پیشوازونا بالالارو مَلردی
یایدا اوندا سرین یِللَر اسردی هاشُم دایو گلوب کرپیچ کَسَردی صوفوسلیم اذان وِروب داملاردا مناجات الیوب اوباشدانلاردا
شوکت خانوم گلین لَری بَزَردی آهوننه هردَن قوروت اَزردی
یادش بخیراوندا توقا سورَردیک بیل دستنی اِشّک اِیدوب مِنَردیک
سیقِرلَری باغلویاردوک جَنجَلَه شمیرآباد بنزیردی جنگله
بانالاردا مووز کشمیش آشوردو سیئچان گلوب گجه اونو داشوردو
کیپرلری گوروب ئیلان توتاندا پشیکلری سیچان دوتوب اوتاندا
گرملریدی آخشام سورو گلنده بالاقوزو قویونلارو امنده
تنّر لَردن گُوگه گِدَن توتونلر مرتابودا تیردن اولان ستونلر
کچه بورکلر- کوله جلر- کورکولر کَند ایچینه یاواش گَلن تولکولر
بوقلمون وغازلارون بالاسو اردک ایلن تویوخلارون لاناسو
غلبیرایلن چایدان بالوخ دوتاردوخ ریزلرینی درمانوچو اوتاردوخ
قارقاگلوب یردن صابون باساردو اوقولویوب فوری اونو قاچاردو
قره چیلرچولده چادر ووراندا چادرلارون بیرگوی یرده قوراندا الده اولان انگلیسی چراغلار اشیقینده یول یرین قوناخلار
خانم باجوسیزاندا ایش توخوردو کاظم دایو یاخچوناقل اوخوردو
کورنگمیزین قیشلره یایلارو کریزلری-دهنه لری-چایلارو
کنده اوگون گجلرقورد گلردی کوپک چاتوب دامدان اونا هورردی
جومچه خاتون چای ایچنده گزردی کرتن کالاش شوق ایلیوب اوزردی
چاراطرافدا جاری اولان بولاغلار یوک آلتوندا خسته قالان الاغلار
چیلپاق اشک قاچوب شلاق اتاندا کولوک اوسته دالوقویلو یاتاندا
تاماشایدوالاغ کتیل ییخاندا یوک آلتوندان سرعت ایلن چخاندا
دگیرماندا بوغدالار اون اولاندا کورک ایلن گنولره دولاندا
ملا اسماعیل مکتبنه گردیک درس اوخویوب قرآن ازبر ادردیک
باغلویاردوفلکینه قیشلری فلکینه چوخ واردو مشتری
قویولارون باهارسووو داشاردو حیاطلاردان کوچه لره آشاردو
آنبارلارون سامانلارو یونجاسو گل ممدین خورجین ایلن تایچاسو
گلین لرین یوزدکی یاشماقلارو لچک ایلن-چادرو-باشماقلارو
ادونلوقا یایدا اودون باساردوخ قیش اوونیده تیردن قوون اساردوخ
اطاقلارون رفه لری-طاقچاسو شاه صنمی وردنه سی-بایدا سو
کلیدکلم گل میخ ایلن دروازا آچ قاپونو چولدن گلیب مش راضا
قره پشیک گلبه رودا د قاردو نمورتاسون اردک اوردا قویاردو
سویقلوب گول ده قازلار چمنده قنادلارون شیرپلادوب چخنده
جیران خالا سهرابونو بلردی قیزاوشاقون قولاخلارون دلردی
کل داشویان دده ببه گلدیلر کل آپاروب یونجالوقا سردیلر
کیف الیوب الاغو قوودوراندا پالان اوسته قاچان یرده دوراندا
سارواینک آخشام چاتوب ناخوردان چوخ آجوخوب سامان ییرآخوردان
بلودگلوب گویدن دولو یاقاندا ریحان عمه گچی لری ساقاندا
قیناتانون عزتی حرمتی قینه ننین توپخاناتک قدرتی
یردن چخان قزیاقویوویارپوزلار یای عالمی اوجوقره قارپوزلار
قلی آبادون قووانلاری پاتلویوب شیرین لیکدن بندبندن چارتلویوب
گوالاسو اون تومنه آلاردوک تایری وارگوالانو قالاردوک
گوزووانلارتاالاغاباتاردو بدبخت الاغ فوری یره یاتاردو
کسلان چایوسرعت ایلن آشاردو گاهدانداطغیان الیوب داشاردو
تلیک ایلن ایده گولون قوخوسو دیکبورگلوب خوش سس ایلن اوخوسو
ممدآقاجنس آپاروب خرمنه ارسین ایلن-صابون ایلن-وردنه
کنده گلوب اوندا بووان گرده سی شیره پزین حلواسویو-ارده سی
بازارداکی حجره نین اق سقلی حاج کتاب وگل ممدو صدق علی
داش تارازو-پشت تخته -قاپانلار تله جیگه باهم دوشن سچانلار
بوستانلوقانصب اولونان قوش قووان ضابط لاروکندخداودشتبان
طوی باشلانوب دوشدویولاخونکین مسمه باجی گل صنم و آفرین
چوپانلارون مزلی سنگ داغلارو سوت اوزونون کره سی یاغلارو
شاگردمغازه اوجادان سسلنی بستنی واربستنی واربستنی
بش قرانابستنینی آلاردوک تام تام ادوب بیرساعاتایالاردوک
گوهانونان یرده شوخوم کسنده شوخوملویوب شش آرپانواکنده
باهاراولوب آلاچرپویاقاردو دامچوایدوب قیش اوینه آخاردو
یای آخری باغدائوزوم سرنده مویزاینسی ورگاهودان گلنده
قوش وارودو ادوادام الادان قرمزی گل آدی چاناخ چاتلادان
واراداشاشریک اولان قونشولار خمیریاپان قاتوق یقان طویچولار
پایوزچاتوب ناقادسوواخ دوتاردوک کمک لشیب دام داشلارو سوواردوک
الک دلک منشدی اوینویاردوک بوزاوستونه آنقوراقو وراردوک
پتله آشو اوماج آشوایچردیک قره بزی شلوارلوقا بچردیک
کرم دایو لَه لَی نن ات آلاردو کوکب باجو شوربایا تُرب سالاردو
سارو پشیک کولده یاتوب قالاردو گیجه دوروب قاب قاشوقو یالاردو
تیمورعمو بلاق اوتو ساتاردو کلبه نبی پاموق ویونگ آتاردو
پاجالاردان گونش دوشوب سیزانا بالاقوشلاریوزگتریب ایوانا
بیرگون ننه قارقوش اِدَردی موسان اگیت الن-حلوایین-قان قوسان
اگیت ارخن الاه گتیرسین یره قان قیترن ورما اوی بیر بره
بیرده اوگون سایلویوردوصغرانو تزباش ییی صغیرقالای سوزمانو
بیرگون اولوب ایلده آخر آدینه تپچی پشیب امواتلارون یادینه
اوگون هامی قبراوستونه گدردی الولره فاته نثار ایدردی
محرم چاتماموش قرا گیردیک کوچه لرده حسین(ع) حسین(ع) دیردیک
پایوز وقتی کورسولرده قورولدو پنجریه قالون پرده ورولدو
ساقسوچاناق شورباسونون مزه سی تازا لواش قرمزسوقان سبزه سی
ساقسی چولمکین قاینیان شورباسو قارون ایچینده جمع اولان قورماسو
کوچه لرده ایاق یالون اوشاقلار بایرام اولوب الگوجلنن قولاخلار
دومان گلوب کندی دومان باساردو گل پر گلین میخدن چیراغ آساردو
حاج خانمون صاندوقداکی پارچاسو ارشته سی-پتله سی یو-یارماسو
لاباندیو –ارسینیو قولباقو بالا قیزنه توخیان قورچاقو
جاهاز گلوبدور بوگیجه ریحانا یریوخودو دوزدوانو سیزانا
کورسو کلی کاناپایدو بیزلره حرارتی شفا وروب دیزلره
قان آخور و پیچاق کسیبدور الی شیطان تورو باس اوستونه زلف علی
دلاک اوگون میدانداباش چالوردو باش قیرخلیب توکی یرده قالوردو
سوق وروب کاش کالمیون اتاردوک سانجولانوب یوزی قویلو یاتاردوک
ایاق یولو جاندان سالوب انسانو ککلیک اوتویدوساکن ودرمانو
دش آغرویا ختمی گلن ایچردیک باش آقرویا بورمادران بچردیک
سیزده بدرده یونجا دملیردیک یملیک دریب توپراقونان ییردیک
آقایازان یره دشمه دعاسو الی یاخچوشفا ویروب خداسو
بعضی مریض سید گیله گدردی سید اونو سیلینن پرپیلردی
زکات وروب مالارو پاک اولاردو خمسین وروب کلی چالاک اولاردو
قارداش باجویا احترام ادردی هفته باشو گورماقونا گدردی
خام باجونون قیش اونده یخدانو یخدانوتاجمع الیوب پارچانو
بیرطرفینده ساخلیوب بوغچانو اویان طرفده برکیدوب آلمانو
بایرام اولوب بیزده پلو ییردیک کیف الیوب قیمه چلو ییردیک
گچن زمان چوخ خوشودو ارکلر یملیدی اوه گلن چورکلر
ایندی نزول باش چکری هریانا شیرینلیکی زهر الیوب انسانا
هرایل گلوب خمس وزکات ورردیک درامدی پاک و زلال ادردیک
منبراوسته ایمدی آقا سسلنیر خمس وزکاتین یری بوش گرسنیر
رحم ومروت کوچ ایدوب ارادن دا ی جمعیت ایمن دگیل بلادن
صله رحمین فاته سینی قوردولار اعلامیه سین دیوارا وردولار
سلام علیک لرمصنوعی اولوبدور گیت گل اغاجی گل کمین سولوبدور
قارداش باجونون غصب ایدوبدور مالون نچه ایلیدی وار سوروشمویور احوالون
احتراماتون قورویوب یاپراقو یوزه قونوب تکبرون توپراقو
تازالوخدا سیل آپاروب حیانو یل آپاروب غیرت ایلن وفانو
ایمدی بوگون سوسیسه باخ پیتزایا ساندویچی سوسن آلوب میرزایا
ماکارانو گلوبدو آش یرینه نان فانتیزی قونوب لواش یرینه
ایمدی گلین قینانانو دانویور او گزیری بو اوشاقون ساخلویور
حمله اولوب خارجدن غیرته همته یو شوکته یو عزته
ورق دونوب شیطان بیزی منوبدور الدن دوشوب غیرت جامی سنوبدور
یاخونلاردا اوغلان قاشون آلوبدور صاف الیوب یوزه ایپلیک سالوبدور
ماهوارالار جولان ایدیر گوگلرده اونا باخور آرواد اوشاق اولرده
دِدَه نَنَه بی احترام اولوبدور سالمَندانون اُطاقلارو دولوبدور
پنجم آبانَه درود و سلام مِلَّتیدَن واربو گونه احترام
شهریمیزین شهیدلری جانلارو یر یوزونه چولده آخان قانلارو
جبهه ده کی قانه باتان یاد اُلسون اولکه میزین توپراقی آباد اولسون
خاطرده زنده دیلر یادلارو حرمت ایلن یاد اولونار آدلارو
عرش خداونده سفرایدیلر نهضتیدن رفع خطر ایدیلر
سالام اولا سیدعلی تک رهبره جانشین حضرت پیغمبره
الاه اونوحفظ ایلسون بلادن ایستریوخ رب حی علادن
جانلارفدابوآقانون جدینه قربان کساخ سروه قالان قدینه
بوآقا سالم اولسون و وار السون دشمن لری ذلیل اولوب خوار اولسون
حاج میرزامحسن آقانون ایمانو تفسیر ایدن روایت وقرانو
حاج ملاسیف ا...آقا زنده دور آدی اونون شهرده پاینده دور
روح حاج آقا ثابتی شاد اولسون عاشورادا روضه لری یاد اولسون
حاج سیدمردان سید والا گوهر کبودراهنگ اهلینه نور بصر
شیخ صالحینین سوزلری منبری نقل ایلین فرمایش حیدری
سالام اولا بحری کیمین شاعره جناب سوزی اولدو بیزه خاطره
یاد ایلیک شیخ احمدعمانون حوصله سین- دیانتین- ایمانون
الاه ئوزی توفیق ویره(صابره ) اهل بیته نوکر اولان ذاکره
سوز لرینی یقوبدو دیوان اتسون شعر یارادوب شهرده طوفان اتسون
دیدگاه شما
دیدگاه‌ها