ای ملت مبارز، آماده اُول جهادَه

قُویما سپاه شیطان، چاتسون بو گون مرادَه

فرمایش اِتدی رهبر، هنگام سالِ تحویل

لازمدی عزم ملی، فرهنگ و اقتصادَه

آیری کَسَه اَل آچما ای صاحب کرامت

ای بنده خدائی اولسون گوزون خداده

بو جمله نی بُیورموش بنیان گذارِ نهضت

بِل باقلاماز بسیجی عدوانِ بد نهاده

اعدا حصاره سالموش بو ملکی چار طرفدن

خصمون اُیوی یخلسون ال ساخلیون دُعادَه

مولا حسین بزیمچون الگو و رهنمادور

بو یولدا قانه باتدی صحرای کربلاده

ذلّت قبول اِدنمز آزادگان عالم

جسمِی قالا یِر اوستَه، باشی گزه جداده

قانه حسین بویاندی اتموب قبول خفت

دین اوسته جسم اکبر شان شان قالوب عباده

آتدان دوشوبدو عباس دین بیرقی اوجالسون

قولّار جدا بدندن نعشی قالوب آراده

اصغر بوغازینی اوخ، بیچیبدی تا بنا گوش

حشره کیمین او طفلین قانی قالوب فضاده

جریان نینواده اعلان ایدوبدو حضرت

من قورخمارام اُلومدَن واردور بیزه سعاده

باشیم گیچه جداده، باش اَگمرم یزیده

بو یولدا قانَه باتسام دریاچه بَلادَه

منکوب ایدوبدی ظلمی فرزند شاه بطحی

امضاء اِدوب قانیلن حریّت انتهاده

رهبر گروه غَربَه خوشبین دگول ازلدن

بو مطلبی دیوبدور چوخداندو ابتداده

آلانمویون عزیزان آمریکا وعده سینّه

گزمَه، وفا تاپولماز افراد بی وفاده

اغیاریلر اخیراً نسخه بیزه یازولّار

یوخدور شفا، بلیر سیز، دشمن وِرَن دَوادَه

گوردوک نقدری اعدا الآن اِدوب جسارت

خط و نشان چکوبلر بو غملی ماجراده

تحمیلی جنگَه باخسان برپادو درس غیرت

غوغا ایدردی امت هم یرده هم هواده

قورخما علی دِینلر هر عربَده چکندن

بیلسون هامی که ایران دورموش بو ادّعاده

دشمن ایده حماقت باشینه اوت سورّوخ

قطع ایلروخ حیاتین رهبر ایده اِراده

ملک وفادی بالله بو جایگاه شیران

یوخ تولکویه امانی بیلسون بو سر سراده

هردن ایدوب بهانه پنج و یکین گروهی

رحم و شرف گرونمز دزدان بی حیاده

دشمن ایدوب اهانت داخل دَ دور امیدی

گاهی دیور گزینه تقصیرِ آشناده

لازمدی پابرهنه حقین آلا غنیدن

بخشش یولی تاپولماز درگاه اغنیاده

نقل ایلیوبدو (صابر) رهبر سوزون قلم لَن

صلح و صفا و همت یوخ قوم اشقیاده